Bandaríski leikarinn Richard Roundtree er látinn, 81 árs að aldri.
Leikarinn, sem var hvað þekktastur fyrir að leika hinn eitursvala John Shaft í „blaxploitation“ bíómyndunum um lögreglumanninn Shaft, lést í faðmi fjölskyldu sinnar, eftir stutta baráttu við briskrabbamein.
Illugi Jökulsson er einn þeirra sem minnist Richard í dag. Færslu hans má lesa hér fyrir neðan:
„Bandaríski leikarinn Richard Roundtree er látinn, 81s árs. Hann átti langan feril og var ábyggilega prýðisleikari en átti við þá ógæfu að stríða að í vitund fólks komst hann aldrei úr fyrsta hlutverki sínu, sem Shaft, ofurlöggan í Harlem, New York. Shaft var held ég fyrsta og altént frægasta og sennilega skemmtilegasta myndin í bylgju amerískra mynda þar sem ofurkúl svartir leikarar voru settir inní hefðbundin löggu-og-bófa-hlutverk bíómyndanna. Eftir á að hyggja eru þessar myndir eflaust frekar skrýtnar en mikið voru þær margar skemmtilegar. Og alveg sérstaklega Shaft.“