Þingmaður segist hafa farið með rangt mál.
Tómas Tómasson, þingmaður, hefur viðurkennt að hafa haft rangt fyrir sér um útivistarsvæðið fyrir framan Tollhúsið. Í Twitter-færslu í gær sagði Tómas: „Það eru tveir staðir þar sem sólin aldrei skín og þetta er annar þeirra. Hverjum datt i hug að fjarlæja bílastæðin og gera útivistarsvæði sem aldrei er eða verður nokkruri manneskju til gleði eða ánægju.“.
Óhætt er að segja viðbrögðin við færslunni hafi verið neikvæð en tugir einstaklinga lýstu í framhaldi hennar ánægju sinni með svæðið og höfðu Tómas að háði og spotti. Tómas hefur dregið í land og biðst afsökunar á orðum sínum í nýrri færslu sem hægt er að lesa hér fyrir neðan.
Varðandi útivistarsvæðið fyrir framan tollhúsið hafði ég rangt fyrir mér það eru margir sem eru ánægðir með framkvæmdina það er i góðu lagi þannig er lífið
“sitt sýnist hverjum” pic.twitter.com/ln83FNuWYZ— Tómas A Tómasson (@a_tomasson) November 10, 2023