Það var vesen í eldhúsinu á Litla-Hrauni árið 2004.
Fangi á Litla-Hraun var vægast ósáttur þegar hann var að borða sunnudagssteikina sína á Litla-Hrauni en hann fann hluta úr hanska í matnum.
„Það var gúmmípjatla í lambakjötinu og ég skildi ekkert í því hvernig hún hafði komist þangað. Svo sáum við að þetta var framan af hanska og getur ekki komið annars staðar en úr eldhúsinu,“ sagði fanginn sem vildi ekki koma fram undir nafni í samtali við DV árið 2004.
Páll Björgvin Ingimarsson kokkur var mjög leiður yfir þessu. „Ég er búinn að útskýra þetta fyrir fanganum og biðjast afsökunar,“ sagði hann í viðtali við DV. „Það hefur skorist af enda á hanska sem ég var að vinna með. Þetta var venjulegur gúmmíhanski sem við notum til að passa upp á hreinlætið. Þetta var nýr hanski en það getur hafa gerst að þetta hafi farið af þegar ég var að skera netið utan af londonlambinu. Svona getur komið fyrir, þetta voru mannleg mistök,“ en kokkinum varð ekki meint af.
Var þetta í annað skipti á stuttum tíma sem kokkurinn komst í klípu en fyrr á árinu 2004 fundust gleraugu í súpu sem kokkurinn eldaði. Hann neitaði hins vegar sök og sakaði fangana um vera hrekka sig.