Karlmaður sem slasaðist í stiga á skemmtistað árið 2016 voru dæmdar rúmar níutíu milljónir króna í skaða-og miskabætur á föstudaginn síðasta. Dómurinn var kveðinn upp í Landsrétti en maðurinn hlaut 75 prósent varanlega örorku þegar hann féll niður stigann.
Maðurinn hafði sótt bætur til bæði Varðar og TM sem höfðu veitt eiganda hússins og rekstraraðila skemmtistaðarins ábyrgðartryggingu. Umrætt kvöld hafði maðurinn verið á skemmtistaðnum með vinum sínum þar sem hann fagnaði því að hafa lokið við meistararitgerð sína í háskóla. Í tröppunum hrasaði maðurinn með þeim afleiðingum að hann lenti með hnakkann neðst í stiganum og slasaðist því alvarlega. Í dómnum var deilt um hvort slysið hefði verið manninum sjálfum að kenna sökum ölvunar eða hvort að lýsing og aðbúnaður hefði verið ófullnægjandi. Niðurstaðan var sú að maðurinn fékk greiddar er fyrr segir rúmar níutíu milljónir króna.