Sagnfræðingurinn Guðmundur Magnússon sendi frá sér fyrir stuttu nýja ævisögu um Friðrik Friðriksson, en hann var oftast kallaður séra Friðrik, og í henni greinir sagnfræðingurinn frá því að séra Friðrik hafi káfað á 11 ára dreng í sunnudagaskóla. Í bókinni er haft eftir manni á áttræðisaldri að aðrir piltir hefðu upplifað slíkt hið sama.
Áfallið er mikið fyrir marga en séra Friðik hefur verið dásamaður af þjóðinni áratugum saman og eru tvær styttur af honum í Reykjavík og sýnir önnur þeirra séra Friðrik með ungum dreng. Nú hefur borgarráð ákveðið að styttan á horni Lækjargötu og Amtmannsstígs verði fjarlægð og sett í geymslu Listasafns Reykjavíkur en styttan var reist árið 1955 og er eftir Sigurjón Ólafsson. Hann hefur þótt einn af bestu myndhöggvurum þjóðarinnar.
Ekki eru allir á því að styttan eigi að hljóta þessi örlög en séra Friðrik Schram sagði meðal annars í pistli í október að séra Friðrik hafi ekki haft getu vegna aldurs og líkamsástands til að áreita aðra kynferðislega. Sjálfur þótti Friðrik Schram umdeildur í starfi og fór aldrei í felur með andúð sína á samkynhneigðu fólki.