Það er ekki á hverjum degi sem Íslendingar eru handteknir í Bandaríkjunum og ennþá sjaldgæfara að Íslendingar séu handteknir af alríkislögreglu Bandaríkjanna en slíkt gerðist þó árið 2002 í Minneapolis.
Í frétt DV frá árinu 2002 greinir blaðið frá því að íslenskur lögfræðimenntaður maður hafi verið handtekinn. Upphaf málsins má rekja til þess að maðurinn hafi verið að halda til Bandaríkjanna með 45 manna hópi harmónikuunnnenda. Þegar í flugvélina var komið var ljóst að maðurinn gat ekki fengið sæti við hlið konu sinnar og pirraði það manninn gífurlega. Hann hóf svo stífa drykkju og enduðu mál þannig að hann sló tvær flugfreyjur, meðal annars í andlitið. Lögreglumaður, sem var fyrir tilviljun í fluginu, gekk í málið og settist, ásamt öðrum manni, við hliðina á lögfræðingnum til að hafa stjórn á honum í fluginu. Róaðist hann niður en rann aftur á hann æði þegar flugvélin lenti í Bandaríkjunum. Í framhaldi af því var hann svo handtekinn af alríkislögreglu Bandaríkjanna. Hann var svo sendur í heim í næsta flugi í fylgd þriggja FBI-manna.
Líklegt þykir að hann hafi verið settur í farbann til Bandaríkjanna.