Lætur ekkert stoppa sig.
Leikkonan Shannen Doherty glímir við krabbamein í heila en er þetta fjórða stigs krabbamein sem byrjaði í brjóstunum. Hún lætur það ekki stoppa sig í vinna og njóta lífsins og hún hefur haft mikið fyrir stafni undanfarna vikur og mánuði. Fyrir stuttu talaði hún á hátíð tileinkuð stjörnum frá tíunda áratugnum og á næstu dögum mun hún fara í fjölda viðtala til að kynna hlaðvarpsþátt sem hún stjórnar og ber nafnið Let’s Be Clear With Shannen Doherty.
Fólk sem stendur henni nærri segir að hún líti ekki á krabbameinið sem dauðadóm og hún treysti á að læknavísindin geti hjálpað sér í baráttunni en hún var nýlega í fríi í Evrópu að njóta sín.
Doherty var ein skærasta stjarna tíunda áratugarins en hún lék burðarhlutverk í þáttunum Beverly Hills 90210 og költkvikmyndinni Mallrats sem kom út árið 1995. Þá tók að sér aðalhlutverkið í þáttunum Charmed en sá þáttur fjallaði um þrjár nornasystur.
Hægt er að sjá Doherty í myndinni Mallrats hér fyrir neðan.