Það gekk mikið á í fjölbýlishúsi í Kópavogi árið 1994.
Í fjölbýlishúsi við Kjarrhólma í Kópavogi kom upp nokkuð óvenjulegt mál árið 1994 og fjallaði DV um málið. Þar hafði gervihnattadiskur verið keyptur af húsfélaginu og gerði öllum íbúum kleift að nota hann á sama tíma. Ein rás sem náðist var Film Net Plus sem sýndi klámmyndir eftir miðnætti tvisvar í viku. Óhætt er að segja að það hafi verið umdeilt meðal íbúa og höfðu sumir áhyggjur af börnum í fjölbýlinu.
„Böm og unglingar hljóta að fá afar brenglaða mynd af kynlífi ef þeir sjá þessar myndir og sækja þekkingu sína frá þeim. Klámið sem er sýnt á þessari sjónvarpsrás tvisvar í viku eftir klukkan tólf á kvöldin í fjölbýlishúsunum hér getur ekki verið heppiegt fyrir unglinga á viðkvæmum aldri. Það er algengt að krakkanir séu skildir eftir heima um helgar. Þeir geta séð ótrúlegan fjölda samfara á stuttum tíma á þessari rás. Framleiöendur myndanna virðast gera hvað sem er til að útvíkka hugtakið samfarir með alls konar öfuguggahætti,“ sagði ónefndur karlmaður í húsinu.
Ekki voru allir sammála þessari skoðun. „Ég horfi nú ekkert á þessar myndir en mér finnst að foreldrar sem eru að kvarta ættu að vera heima frekar en úti á ralli. Foreldrar mega ekki gleyma því að þeir bera ábyrgð,“ sagði annar ónefndur karlmaður sem býr á svæðinu.
„Ég hef nú aldrei horft á aðrar klámmyndir en á Film Net – en er þetta ekki bara lífið,“ sagði kona sem býr í húsinu. „Þessar myndir eru sýndar á þeim tíma sem börn eru yflrleitt sofnuð. Ef fólk vill ekki hafa þetta fyrir börn þá er bara hægt að rugla rásina, þú stillir jú alltaf inn þær rásir sem þú vilt hafa. Fyrst fannst mér þessar myndir dálítið mikið mál og á tímabili var þetta á þremur stöðvum en núna er bara ein. Mér finnst þetta í lagi, þetta er bara val eins og annað í lífinu. Ef ég flyt héðan úr Kjarrhólmanum fæ ég mér örugglega gervihnattadisk. Og svo er þessi stöð bara best, þama eru líka bestu bíómyndimar. Auk þess er þetta fyrirkomulag úti um aílan bæ.“