Eldur Deville, formaður Samtakanna 22, hefur viðurkennt að hann hati trans fólk en það gerir hann í nýlegri færslu á samfélagsmiðlum Facebook. Eldur og Samtökin 22 hafa verið gagnrýnd fyrir að ala á trans hatri og upplýsingaóreiðu í íslensku samfélagi en þau hafa hafnað þeirri gagnrýni. Samtökin 22 segjast vera hagsmunasamtök samkynhneigðra á Íslandi en þau voru þau upphaflega stofnuð af fólki sem telur sig ekki eiga lengur samleið með Samtökunum 78 og segja þau samtökin hafa lagt minni áherslu á réttindi samkynhneigðra. Því hafi stofnun nýrra samtaka verið nauðsynleg. Ekki virðist þó ljóst hver tilgangur samtakanna sé utan þess að berjast gegn tilverurétti trans barna miðað við aðgerðir samtakanna hingað til.
Eldur sagði í viðtali við Mannlíf í fyrra að hann ætti vini sem væru trans og að fólk mætti gera það sem það vildi, hans vegna, eftir 18 ára aldur. Hann setti aðeins spurningarmerki við það að börnum væru gefin hormón til að stoppa kynþroska. Í nýrri færslu á Facebook leggur Eldur spilin á borðið og segist vera „transfób“ og að það séu gildi sem hann muni ætíð verja.
