Guðlaug Sóley Höskuldsdóttir, jafnan þekkt sem Gugusar er algjört hæfileikabúnt. Ekki er nóg með það að hún kunni að semja og syngja lög því hún er einnig hörku skautakona.
Gugusar hóf að semja tónlist aðeins 13 ára gömul en árið 2020 kom út hennar fyrsta plata, Listen To This Twice og í fyrra kom svo út platan 12:48 en sú plata var plata vikunnar á Rás tvö. Gugusar tók þátt í Músíktilraununum 2019 þar sem hún var valin „rafheili tilraunanna.“ Þá var hún valin flytjandi ársins á íslensku tónlistarverðlaununum árið 2022.
Í nýju myndskeiði á Instagram sýnir Guðlaug hvers hún er megnug á skautasvellinu. Ekki segir hún hvar hið magnaða myndskeið er tekið en Rauðavatn er mögulega vatnið sem hún skautar á. Hér fyrir neðan má sjá Gugusar sýna stórkostlega skautahæfileika sína.
View this post on Instagram