- Auglýsing -
Bogi Nils Bogason, forstjóri flugfélagsins Icelandair, segir Icelandair vera að fara yfir málið í ljósi ferðabanns frá Evrópu til Bandaríkjanna sem Donald Trump, bandaríkjaforseti, sagði frá í nótt. Bannið tekur gildi á miðnætti á föstudaginn og gildir í 30 daga.
Rúv greindi frá þessu. Bogi sagðist ekki getað tjáð sig frekar um málið að svo stöddu.
Bannið nær til allra erlendra ríkisborgara sem hafa verið á Schengen-svæðinu undanfarna 14 daga. Schengen-ríkin eru: Austurríki, Belgía, Danmörk, Eistland, Finnland, Frakkland, Grikkland, Holland, Ísland, Ítalía, Lettland, Liechtenstein, Litháen, Lúxemborg, Malta, Noregur, Pólland, Portúgal, Slóvakía, Slóvenía, Spánn, Sviss, Svíþjóð, Tékkland, Ungverjaland og Þýskaland.