Yfirlögregluþjónn gerði leyniupptöku af konu sem hann áreitti – Færður til í starfi

Margeir Sveinsson, yfirlögregluþjónn hjá lögreglunni á höfuðborgarsvæðinu, er sagður hafa tekið upp samtal sitt við fyrrum undirmann sinn en Heimildin greinir frá þessu.

Margeir var sendur í leyfi fyrr á árinu og er hann sakaður um að hafa áreitt samstarfskonu sína kynferðislega um margra mánaða skeið. Þá er hann einnig sagður hafa sýnt af sér ofbeldisfulla hegðun sem olli lögreglukonunni bæði ótta og vanlíðan. Meðal þess sem hann er sakaður um er að hafa stöðugt sent konunni skilaboð og á samfélagsmiðlum og þvingað hana til að taka á móti sér á heimili hennar seint um kvöld. Reyndi Margeir að nýta upptöku af samtali þeirra á milli sér í hag þegar sálfræðistofa var fengin að gera úttekt á samskiptum Margeirs við konuna. Þegar Margeir snéri til baka úr leyfi var hann færður til í starfi en hann starfaði áður sem yfirmaður rannsóknasviðs lögreglunnar á höfuðborgarsvæðinu.