Dýraverndarfólk hefur boðað til aðgerða svo bjarga megi kindunum í Þverárhlíð í Borgarfirði.
Mannlíf hefur fjallað um hóp kinda af bóndabænum Höfða í Borgarfirði sem hafðar eru afskiptalausar í snjónum í Þverárhlíð, flestar í margföldum reifum en Matvælastofnun virðist ekki hafa sýnt málinu áhuga. Þá hefur Steinunn Árnadóttir organisti gagnrýnt Borgarbyggð harðlega fyrir „sérstakt umburðarlyndi“ gagnvart bændunum á Höfða.
Sjá einnig: Útigangsfé í Þverárhlíð: „Alls staðar annars staðar betur komnar en heima hjá sér!“
Ingiveig Gunnarsdóttir stofnaði viðburð á Facebook þar sem hún boðar björgunaraðgerð fyrir kindurnar.
Í lýsingu á viðburðinum segir:
„Hittumst á N1 í Borgarnesi. Steinunn Árnadóttir mun vísa veginn þaðan að staðnum þar sem kindurnar halda til. Höfum útvegað hey en gott að fá fleiri með í hópinn, sem geta skaffað hey. Kindurnar eru mjög styggar en ein þeirra er vafin í gaddavír. Gott væri að fá einhvern með reynslu af björgun dýra við slíkar aðstæður.“
Stefnt er að því að hefja björgunaraðgerðir klukkan 12:30 í dag.