Gleðipinnar bjóða börnum frítt að borða

Gleðipinnar sem eiga fjölda veit­ingastaða um land allt hafa ákveðið að bjóða börn­um ókeyp­is að borða meðan á verk­falli stend­ur. Um er að ræða veit­ingastaðina Saffr­an, Ham­borg­arafa­brikk­una, American Style, Roa­dhou­se, Aktu taktu, Eldsmiðjuna, Kaffi­vagn­inn, Keilu­höll­ina, Shake&Pizza, Black­box og Pít­una.

Til­boðið gild­ir til kl. 17 alla virka daga fyr­ir 12 ára og yngri og er einn ókeyp­is barna­rétt­ur með hverj­um keypt­um aðal­rétti.

„Það þekkja það all­ir for­eldr­ar á eig­in skinni að það get­ur tekið á taug­arn­ar þegar verk­föll standa yfir. Ég fékk ábend­ingu frá stelpu sem ég þekki sem er ein­mitt móðir þriggja barna í verk­falli. Hún spurði mig ein­fald­lega af hverju veit­ingastaðir væru ekki að bjóða barn­væn til­boð og létta þar með und­ir með for­eldr­um sem þurfa að skipu­leggja sinn dag upp á nýtt. Mér fannst þetta al­veg rakið og við erum að bregðast við því með þess­um hætti”, seg­ir Jó­hann­es Ásbörns­son, talsmaður Gleðip­inna, um uppátæki sem verður eflaust vel þegið hjá barnafjölskyldum á meðan á verkfalli stendur.