Hraun stefnir í átt að Grindavík

Svo virðist sem hraun sé að renna í áttina að Grindavík en eldgos hófst nú rétt fyrir klukkan átta í morgun. Úlfar Lúðvíks­son, lög­reglu­stjóri á Suður­nesj­um, ræddi við mbl.is í morgun en hann taldi að hraun væri þegar farið að renna í gegnum gat í varnargarði fyrir ofan Grindavíkurbæ.

Aðspurður hvort hann telji hættu á því að hraun renni í áttina að Grindavík sagði hann: „Mér sýn­ist það stefna í þá átt­ina, en við erum ekki al­veg með ná­kvæma staðsetn­ingu á upp­tök­um goss­ins á þess­ari stundu.“