- Auglýsing -
Tómatsafi er allra meina bót. Stútfullur af andoxíðefnum, vítamínum og nauðsynlegum næringarefnum. Talið er að hann geti meðal annars lækkað kólesteról- og blóðsykursgildi líkamans og spornað gegn bólgu og sveppasýkingum. Tómatar eru stútfullir af C-vítamíni og getur safinn styrkt varnarkerfið og unnið gegn kvefi og flensu. Þá eru tómatar seðjandi og því stórsniðugir sem millimál.
Hráefni
- 2 stórir tómatar
- 1 stilkur sellerí
- 1 agúrka
- 1 handfylli af ferskri steinselju
- ½ tsk. bleikt Himalaya-salt
- Ögn af cayenne-pipar
- Handfylli af klaka
Aðferð
- Skerið tómatana í litla bita
- Setjið tómatana, selleríið, agúrkuna og steinseljuna í blandara
- Hellið safanum í hristara
- Saltið og piprið með cayenne-pipar og bætið við klaka
- Hristið, drekkið og njótið!