Þau Guðrún Gunnarsdóttir og Gunnar Hansson, stýra Mannlega þættinum á Rás 1 þar sem fátt mannlegt er þeim óviðkomandi. Tvíeykið er eitt besta útvarpspar á landinu og hefur áunnið sér hylli fjölmargra hlustenda.
Fyrir margt löngu tók parið upp umræðu um alveg hreint stórfurðulegt mál sem var endurtekið í Síðdegisútvarpi Rásar 2. Þar var um að ræða kjötafurð sem komin er í verslanir. Um er að ræða lambatittling sem seldur er í lofttæmdum umbúðum. Gunnar hafði ekki barið augum eða bragðað vöru af þessu tagi og var sérlega forvitinn og vildi vita hvort um væri að ræða lítil typpi. Eftir nokkrar vangaveltur komust þau að þeirri niðurstöðu að stærðin væri hreint aukaatriði en það væri bragðið sem skipti mestu.
Allt var þetta tal græskulaust og til þess fallið að kæta áheyrendur. Parið er enda þekkt fyrir að vera siðavant og sómakært. Þetta kom skýrt fram þegar Guðrún, þáverandi sjónvarpskona á Stöð 2, harðneitaði fyrir rúmum 20 árum að taka viðtal við klámmyndaleikarannn Ron Jeremy. Það mál vakti þjóðarathygli og sýndist sitt hverjum og Guðrún var jafnvel kölluð tepra fyrir vikið …
Uppfært: Samtal Guðrúnar og Gunnars var endurtekið á Rás 2 í gær en átti sér stað fyrir 10 árum.