COVID-19-kórónaveiran hefur breiðst hratt út undanfarið á Ítalíu en þar hafa um 300 tilfelli verið staðfest og 11 hafa látist af völdum veirunnar. Nokkur lönd um Evrópu hafa nú tilkynnt um ný veirusmit sem öll má rekja til Ítalíu.
Í gær var greint frá því að smit hafa greinst í Austurríki, Króatíu og Sviss og eiga smitaðir það sameiginlegt að hafa nýlega verið á Ítalíu.
Fyrsta tilfellið í Brasilíu hefur líka komið upp, sjúklingurinn ferðaðist nýverið frá Ítalíu. BBC greinir frá.
Landamærin opin
Heilbrigðisráðherrar í Frakklandi, Þýskalandi og Ítalíu hafa fundað en tekin var ákvörðun um að halda landamærum opnum í bili þrátt fyrir aukna útbreiðslu kórónaveirunnar.
„Við erum að fást við vírus sem tekur ekki tillit til landamæra,“ sagði Roberto Sparanza, heilbrigðisráðherra Ítalíu.