Sólveig Anna friðsöm

Flest bendir til þess að Breiðfylking verkalýðsfélaganna og Samtök atvinnulífsins nái samkomulagi og nýjan kjarasamning. Friður og kærleikur svífur yfir vötnum í Karphúsinu þar sem Sólveig Anna Jónsdóttir, formaður Eflingar, og Vilhjálmur Birgisson, leiðtogi Verkalýðsfélags Akraness, eru nánast hönd í hönd að ná fram kjarabótum fyrir hina lægstlaunuðu. Mörgum er það minnisstætt að þau Sólveig og Vilhjálmur áttu í hatrðmmum átökum á síðasta ári þar sem brigslyrðin gengu á milli. Þá átti Sólveig í hörðum átökum við frænda sinn, Aðalstein Leifsson, ríkissáttasemjara sem hrökklaðist úr embætti. Síðan er allt fallið í ljúfa löð og Breiðfylkingin gengur í takti með Sigríði Margréti Oddsdóttur, nýjum framkvæmdastjóra Samtaka atvinnulífsins, sem tók við af þeim umdeilda Halldóri Benjamín Þorbergssyni sem þótti stríðsglaður. Þá skemmir ekki fyrir að nýr sáttasemjari, Ástráður Haraldsson, sér um að stilla af friðinn …