Höskuldur Þór Þórhallsson, lögmaður og fyrrverandi alþingismaður Framsóknarflokksins, er í klípu eftir að hann var klagaður fyrir að halda eftir erfðafjárskatti sem hann átti að standa skil á sem skiptastjóri í dánarbúi konu. Erfingjar konunnar, sem þurftu utanaðkomandi aðstoð við skiptin vegna innbyrðis deilna, fengu óvænt kröfu um skattinn löngu eftir að skiptum lauk og tilkynntu brotið til úrskurðarnefndar Lögmannafélags Íslands sem krafði Höskuld skýringa.
Í úrskurði nefndarinnar kemur fram að Höskuldur hafi sagt nefndinni ósatt um að greiðslan hefði verið innt af hendi og þannig reynt að villa um fyrir henni. Höskuldur var fundinn sekur um að hafa haldið eftir greiðslunni og að hafa sagt ósatt. Höskuldur er ekki nafngreindur í úrskurðinum og þannig haldið yfir honum leyndarhjúp. Það var vefmiðillinn Vísir sem fyrst upplýsti um nafn hans.
Höskuldur er sjálfur þögull vegna málsins og svaraði ekki spurningum Mannlífs fyrir helgi. Augljóst er að hann er í klípu vegna skiptanna sem hann þáði 6 milljónir króna fyrir að annast …