Rússar söfnuðust saman fyrir framan ræðismannaskrifstofu Rússlands í Reykjavík til að minnast Alexei Navalny á föstudaginn og hengdu upp ljósmyndir af honum og blóm og kveiktu á kertum. Stuttu seinna kom maður út úr sendiráðinu og reif niður myndirnar og slökkti á kertunum.
Ljósmynd: Andrei Menshenin
Starfsmaður hjá ræðismannaskrifstofu Rússlands á Túngötu 24, reif niður myndir af Alexei Navalny, sem rússneskir íbúar í Reykjavík höfðu hengt upp á grindverk við ræðismannaskrifstofuna föstudaginn 16. febrúar. Sami maður henti einnig kertum sem kveikt hafði verið á til að minnast Navalny, sem lést í rússnesku fangelsi á föstudaginn.
Ljósmynd: Dmitry Fufachev
Íslensk kona varð vitni að þessu en í samtali við Mannlíf sagði hún manninn hafa verið með hettu og buff fyrir andlitinu. „Við vorum þarna á æfingu við Landakotskirkju. Sáum hvar athöfnin fór fram með sjónvarpinu. En svo kannski liðu í kringum 30 mínútur, þá kom maður út úr húsinu og byrjaði að slökkva á kertunum og rífa niður það sem búið var koma fyrir í grindverkinu. Ein af okkur spurði hvað hann væri að gera en fékk eitthvað muldur til baka. Greinilega ekki til í að ræða málin. Eða skildi ekki hvað var sagt við hann. Svo bara fór hann aftur inn.“
Ljósmynd: Dmitry Fufachev
Rússi sem var við athöfnina birti ljósmyndir frá minningarathöfninni og svo aðrar sem teknar voru eftir að maðurinn með buffið henti öllu í ruslið. Við færslu sína á Facebook skrifaði hann athugasemdir sem hann heyrði við athöfnina. Hér eru dæmi: