Brotist var inn í Hamborgarabúllu Tómasar í Spönginni í nótt.
Síðastliðnu nótt brutust tveir menn inn í Hamborgarabúllu Tómasar í Spönginni í Grafarvogi. Ekki græddu mennirnir mikið á innbrotinu en tvær rúður voru brotnar.
„Þeir stálu kippu af bjór og skúffunni með skiptimyntinni, þannig að þeir græddu nú ekki mikið á þessu,“ segir Sigurður Bjarnason, framkvæmdarstjóri Hamborgarabúllu Tómasar í samtali við Mannlíf og bætti við: „Þetta voru ekkert sérlega skipulagðir glæpamenn.“
Ljósmynd: Brynjar Birgisson
Sigurður sagði að mennirnir hafi farið nokkuð óvenjulega leið við innbrotið. „Þeir köstuðu einhverjum þungum bílavarahlut og brutu tvær rúður, til að komast inn.“
Aðspurður hvort mennirnir hafi náðst á öryggismyndavél sagði Sigurður þá hafa hulið andlit sín. „Þeir huldu andlitin en þeir voru á bíl og lögreglan er að athuga hvort hún geti fundið hann.“