Konan sem kærði knattspyrnumanninn Albert Guðmundsson fyrir kynferðisbrot síðasta sumar hefur ekki tekið ákvörðun hvort hún muni áfrýja niðurstöðu ákæruvaldsins um að fella niður málið. Samkvæmt reglum KSÍ mátti ekki velja Albert í íslenska landsliðið á þeim tíma sem meðferð málsins stóð yfir en eins og staðan er í dag má Age Haride, landsliðsþjálfari Íslands, velja Albert í næsta hóp. Sá hópur verður kynntur á föstudaginn næstkomandi.
„Það liggur ekki fyrir ákvörðun um það. Fresturinn til þess er út 22.mars nk,“ sagði Eva Bryndís Helgadóttir, lögmaður konunnar sem kærði Albert, við DV.is um málið.
Íslenska landsliðið mætir Ísrael í umdeildum leik 21. mars og er leikurinn hluti af umspili um sæti á EM í knattspyrnu. Ákveði konan að áfrýja mun Albert ekki spila þann leik taki hún þá ákvörðun áður en flautað verður til leiks 21. mars.
Albert er sem stendur leikmaður Genoa á Ítalíu en góð frammistaða hans hefur vakið mikla athygli stórlið um heim allan og þykir líklegt að Albert verði seldur í lok tímabilsins sem stendur nú yfir.