- Auglýsing -
Í lok sumars mun World Class opna nýtt útibú inni í Kringlunni. Á vef World Class segir að nýja stöðin muni samanstanda af fullútbúnum tækjasal, infrared heitum sal, hjólasal, fjölnota sal, búningsherbergjum og útisvæði með heitum og köldum pottum.
Nýja stöðin verður á annarri hæð þar sem leikfangaverslunin Kids Coolshop er núna.
Á vef Vísis segir að Wold Class fái rýmið afhent um næstu mánaðarmót og að eigendur World Class geri ráð fyrir að hefja framkvæmdir þá.
Þess má geta að í Kringlunni 1 er World Class stöð nú starfrækt. Sú stöð verður ennþá opin en starfsemin verður með breyttu sniði þar sem aukin áhersla verður lögð á cross fit þjálfun.