Nafn mannsins sem lést á Heiðmerkurvegi

Hrafn Breiðfjörð Ellertsson er nafn unga mannsins sem lést í bifhjólaslysi á Heiðmerkurvegi í síðustu viku. Hrafn var fæddur árið 2004 og var búsettur á Álftanesi.

Samkvæmt frétt mbl.is fer útför hans fram í Víðistaðakirkju mánudaginn 18. mars klukkan 15:00.

Í kjölfar slyssins gaf lögreglan út tilkynningu þar sem kom fram að Hrafn hafi ekið bifhjóli vestur Heiðmerkurveg en virðist hafa misst stjórn á því og hafnað utan vegar.

Klukkan 18:19 fimmtudaginn 7. mars barst tilkynning um slysið og var hann fluttur á Landspítalann. Þar var hann úrskurðaður látinn skömmu síðar.

Mannlíf vottar vinum og ættingjum samúð sína.