- Auglýsing -
Einar Ólafsson, íþróttakennari og körfuboltaþjálfari, er látinn 96 ára að aldri. Mbl.is greinir frá þessu.
Einar fæddist árið 1928 í Reykjavík. Eftir að Einar lauk íþróttakennaranámi á Laugarvatni helgaði Einar sig íþróttum og körfubolta. Hann var stundum nefndur „faðir körfuboltans“ en ásamt því að starfa sem íþróttakennari hjá Langholtsskóla frá 1958 til starfsloka var Einar einn besti þjálfari í sögu körfuboltans á Íslandi.
Einar þjálfaði meistaraflokkslið karla hjá ÍR til 11 Íslandsmeistaratitla og þjálfaði um tíma íslenska landsliðið. Þá hlaut hann heiðurskross og gullmerki KKÍ fyrir framlag hans til körfubolta á landinu.
Einar lætur eftir sig þrjá syni en Guðfinna Kristjánsdóttir, eiginkona Einars, lést árið 2021.