Stjórnarráðið hefur birt á heimasíðu sinni lista yfir þá einstaklinga sem sóttu um embætti dómara við Hæstarétt Íslands. Athygli vekur að Skúli Magnússon, sem verið hefur umboðsmaður Alþingis frá 2021 er meðal umsækjenda. Hægt er að sjá tilkynninguna og umsækjendur hér fyrir neðan:
Hinn 1. mars 2024 auglýsti dómsmálaráðuneytið í Lögbirtingarblaði laust til umsóknar embætti dómara við Hæstarétt Íslands. Skipað verður í embættið frá og með 1. ágúst 2024. Umsóknarfrestur rann út 18. mars síðastliðinn og eru umsækjendur eftirtaldir:
Aðalsteinn E. Jónasson dómari við Landsrétt,
Eyvindur G. Gunnarsson prófessor við lagadeild Háskóla Íslands,
Ingibjörg Þorsteinsdóttir dómstjóri Héraðsdóms Reykjavíkur,
Skúli Magnússon umboðsmaður Alþingis.
Umsóknir hafa verið afhentar dómnefnd um hæfni umsækjenda um embætti dómara til meðferðar.