Í nýjum þætti af Sjóaranum segir Sigurður Ólafsson frá því að hann var aðeins 11 ára þegar hann fór á sjó heilt sumar með föður sínum, vélstjóranum. Þar með var teningunum kastað og hann fetaði í fótspor föður síns.
„Hann byrjaði að passa mig á vorin þegar ég hafði aldur til og kom aftur á haustin. Við sigldum eiginlega alltaf inn í Austursjóinn. Fórum til Póllands, Lettlands, Litháen og Rússlands. Leníngrad. Ég kom oft til Leníngrad, ég hef aldrei komið til Pétursborgar. Mér var sýnt ýmislegt. Fór í Vetrarhöllina, Sumarhöllina í Leníngrad. Sem heitir Pétursborg í dag. Það var mjög gaman. Sumarhöllin, þetta er bara listasafn.“
Í þættinum segir hann einnig frá vinnu sinni á frakt- og varðskipum, meðal annars í þorskastríðinu þegar siglt var á skip hans.
Hægt er að sjá þáttinn í heild sinni hér.