Halla telur að forsetinn eigi að búa til tækifæri: „Sam­talið snýst um það“

Halla Hrund Logadóttir forsetaframbjóðandi segist þakklát fyrir allan þann stuðning sem hún hefur fengið en samkvæmt nýjustu könnun Prósents mælist hún með 18% en er það meira fylgi en Jón Gnarr, fyrr. borgarstjóri Reykjavíkur, mælist með.

„Ég er ótrú­lega þakk­lát fyr­ir þenn­an stuðning sem birt­ist í þess­ari könn­un. Þó þetta sé auðvitað bara könn­un og enn sé langt til kosn­inga þá er þetta í takt við þann meðbyr sem ég finn í sam­töl­um við fólk,“ sagði Halla í sam­tali við mbl.is en hún er þessar mundir að ferðast um Vestfirði.

Halla telur mikilvægt að forseti Íslands tali fyrir samstarfi um heim allan. „Það er hlut­verk for­set­ans að magna tæki­færi á Íslandi, heima og að heim­an. Sam­talið snýst um það líka, hvernig get­um við unnið sam­an að því að stækka tæki­færi lands­ins og móta tæki­færi framtíðar­inn­ar.“