Fíkiefnið svokallað Spice, efni sem telst til nýmyndaðra kannabínóíða, fannst nýverið í rafrettum hjá unglingum á höfuðborgarsvæðinu. Þetta kemur fram í Facebook-færslu lögreglunnar á höfuðborgarsvæðinu.
Þar segir að þetta sé mikið áhyggjuefni og eru forráðamenn barna og unglinga hvattir til að vera á varðbergi.
Efnið mun vera nánast lyktarlaust, en á meðal skammtímaáhrifa þess eru mikil gleði og ánægja. Aukinn hjartsláttur, hár blóðþrýstingur, ofskynjanir, ofsóknaræði, kvíðaköst og árásargirni eru hins vegar á meðal alvarlega aukaverkana af notkun efnisins.
„Það var hegðun unglinganna sem leiddi til afskipta af þeim í umdæmi Lögreglunnar á höfuðborgarsvæðinu og var lagt hald á rafrettur. Veipvökinn úr þeim var rannsakaður á rannsóknarstofu Háskóla Íslands í lyfja- og eiturefnafræði og reyndist hann innhalda Spice, auk nikótíns. Málið er unnið í samráði við barnaverndaryfirvöld,“ segir í færslunni.