Eldurinn hefur verið slökktur – Tjónið mikið

Eldurinn sem kviknaði í Höfðatorgi á ellefta tímanum í dag hefur verið slökktur.

Vel gekk að slökkva eldinn en hann kviknaði í veitingahúsi á neðstu hæð Turnsins við Höfðatorg í Reykjavík rétt fyrir hádegi. Þetta kemur fram í frétt RÚV.

Byggingin var rýmd en um 400 manns starfar í húsinu þegar mest er. Tjónið er mikið, bæði vegna eldsins og vatnsins sem notað var við slökkvistarfið.

Samkvæmt frétt RÚV logaði eldurinn á veitingastað á neðstu hæð en enginn var þó í hættu og allir komust skjótt út. Reykur lagði yfir leikskólann Bríetartún sem er í næsta nágrenni við bygginguna og voru foreldrar beðnir um að sækja börn sín.

Fjöldi fólks bar að enda mjög mikill viðbúnaður við Höfðatún, fjöldi slökkviliðsbíla, sjúkrabíla og lögreglubíla voru við húsið en héldu allir sér í hæfilegri fjarlægð.