- Auglýsing -
Magnús Magnússon er látinn 97 ára gamall en mbl.is greinir frá þessu.
Magnús var lengi einn af fremstu vísindamönnum Íslands og var lykilmaður í þróun verkfræði og raunvísinda við Háskóla Íslands.
Magnús var menntaður stærðfræðingur og eðlisfræðingur frá hinum virta Cambridge-háskóla á Englandi og vann síðar meir við rannsóknir á afstæðiskenningu Einsteins við Princeton-háskólann í Bandaríkjunum.
Magnús var eins og áður sagði lykilmaður í Háskóla Íslands en hann var fyrsti forstöðumaður Reiknistofnunnar Háskólans og Raunvísindastofnunar Háskólans. Þá var hann einnig forseti verkfræðideildar HÍ og forseti verkfræði- og raunvísindadeildar.
Magnús eignaðist þrjú börn með Helgu Magnússon en hún lést árið 2019.