- Auglýsing -
Fjölbragðaglímukappinn, leikarinn og rapparinn John Cena hefur tilkynnt að hann muni hætta að glíma á næsta ári og leggja glímuskóna á hilluna en hann hefur verið einn af þekktustu glímuköppum heimsins undanfarin 20 ár og hefur unnið til fjölda titla sem slíkur.
Cena tilkynnti þetta á WWE-viðburðinum Money in the Bank um helgina en líklegt þykir að hann muni einbeita sér að leiklistinni hér eftir en Cena verður 48 ára á næsta ári og því kominn af sínu léttasta skeiði þegar kemur að glímunni. Hann þarf þó ekki að örvænta þegar kemur að tekjum en hann er mjög eftirsóttur leikari og hefur slegið í gegn í myndum á borð við Ferdinand, Blockers, The Suicide Squad og Fast X.