Umferðarstjórn lögreglunnar var kölluð til klukkan tíu í gærkvöldi til að greiða úr umferðaröngþveiti við Gróttuvita á Seltjarnarnesi. Þar var mikil umferð bifreiða og þeim lagt illa. Stöðubrotsgjald var sett á nokkrar bifreiðar sökum staðsetningar þeirra.
Klukkan 20:56 var tilkynnt um slys í Hafnarfirði þar sem barn datt og meiddist á höfði. Barnið var flutt á slysadeild til skoðunar af sjúkraflutningamönnum.
Klukkan 20:13 fékk lögreglan tilkynningu um vatnsskemmdir vegna sprunginnar ofnalagnar í fjölbýli í Breiðholti vatnsskemmdir í alla vega fjórum íbúðum. Slökkvilið var kallað til og fulltrúi frá tryggingum.
Klukkan 21:29 var tilkynnt um eld á svölum Hafnarfirði , búið var að slökkva eldinn er lögreglu og slökkvilið bar að. Engar skemmdir og engan sakaði.
Lögreglan var kölluð til Klukkan 19:13 vegna bárujárnsplötu sem hafði fokið á bifreið í Mosfellsbæ og valdið tjóni. Tjónþoli var aðstoðaður og tjón skoðað.
Ofangreint mál eru hluti þeirra mála sem rötuðu á borð lögreglunnar liðna nótt og í gærkvöldi.