Ísland komið á gráan lista vegna aðgerðarleysis gagnvart peningaþvætti.
Ísland er komið á gráan lista FATF yfir þau lönd sem eru undir eftirliti, þar sem þau hafa ekki uppfyllt skilyrði um aðgerðir til að sporna gegn peningaþvætti. Önnur ný lönd á listanum eru Mongólía og Zimbabve, en fyrir voru meðal annars Botswana, Kambódía, Gana, Pakistan, Panama, Sýrland og Jemen.
Fram kemur í samantekt eftir fund FATF í vikunni að unnið sé að aðgerðaáætlun með íslenskum stjórnvöldum til að taka á alvarlegustu vanköntunum.
Kjarninn hefur fjallað ítarlega um málið. Þar kemur meðal annars fram að fjármálaeftirlitið gerði úttektir á íslenskum bönkum árið 2007 þar sem voru gerðar alvarlegar athugasemdir við framkvæmd eftirlits með þvætti. Þeim var ekki fylgt eftir „vegna starfsmannaskorts og sérstakra aðstæðna á fjármálamarkaði.“
Yfirlýsing íslenskra stjórnvalda frá 7. október.
Mannlíf hefur heimildir fyrir því að tölvuverður titringur sé meðal fjármálafyrirtækja vegna fréttanna og þá ekki síður nýsköpunarfyrirtækjum sem eru að reyna að koma á viðskiptum erlendis.