Vinna er hafin við gerð á snjóflóðavarnargarði við Neskaupstað en hann rís fyrir ofan austan hluta bæjarins en þar yrðu fjögur íbúðarhús fyrir snjóflóði í fyrra. 730 metra langur þvergarður verður reistur og tvær keiluraðir sem samanstanda af 20 keilum en þeim er ætlað að draga úr hraða snjóflóða.
Í samtali við RÚV sagði Jón Björn Hákonarson, forseti bæjarstjórnar Fjarðabyggðar, að íbúar bæjarins hafi svo sannarlega fundið hversu mikið snjóflóðagarðar skipta máli fyrir Neskaupstað og að þessi muni svo sannarlega gera það líka.
„Við erum bara mjög ánægð við að það sé verið að hefjast handa og vonandi gengur þetta bara sem best og hraðast,“ en verklok eru áætluð í lok 2029.
Jón sagði sömuleiðis að hann vonist til þess að garðurinn sjálfur og keilurnar, sem skipta mestu máli, verði kláraðar sem fyrst.