Zac Efron fluttur á sjúkrahús á Ibiza

Lífið er ekki alltaf dans á rósum hjá fræga fólkinu og stórleikarinn Zac Efron fékk að kynnast því um helgina en flytja þurfti Baywatch-stjörnuna á sjúkrahús á Ibiza.

Leikarinn geðþekki var að njóta lífsins með vinum sínum á eyjunni frægu þegar hann ákvað að stinga sér til sunds í sundlaug í húsinu sem hann var að leigja en því miður fyrir Efron skall bringa hans í botn laugarinnar. Við það fór mikið af vatni ofan í lungu leikarans og leið honum sýnilega illa að sögn sjónarvotta. Farið var með hann á spítala þar sem staðfest var að hann hafi vissulega fengið vatn í lungun en vatnið var þegar farið úr þeim þegar á spítalann var komið.

Hann var útskrifaður fljótlega af spítalanum og setti mynd af sér á samfélagsmiðla daginn eftir og sást út á lífinu um kvöldið.

Zac Efron hefur verið um áraraðir einn vinsælasti leikari Hollywood en hann er þekktastur fyrir leik sinn í High School Musical-myndunum, Neighbours og Baywatch.