Hafnaboltastjarnan Hunter Greene stal athygli íþróttaáhugamanna á nokkuð óvenjulega máta á þriðjudaginn var þegar Cincinnati Reds, liðið sem hann spilar fyrir, keppti á móti St. Louis Cardinals.
Greene sem er kastari tók upp á því í fimmta leikhluta leiksins að æla í hafnaboltahanskann sinn. Dómarar leiksins tóku eftir uppkastinu og var leikur tímabundið stöðvaður en þetta atvik virðist ekki hafa haft neikvæð áhrif á frammistöðu Greene í leiknum því hann stóð sig með mikilli prýði.
„Ég hugsa að margir okkar hafi oft fengið þessa ælutilfinningu í leiknum en svo gerist það ekki,“ sagði David Bell þjálfari Reds um atvikið. „Kannski líður honum bara betur eftir þetta.“
Athygli vekur að þetta er í annað skipti á undanförnum tveimur mánuðum sem Greene ælir í miðjum leik en hann er einn af bestu kösturum deildarinnar.
Hunter Greene 🤮 pic.twitter.com/mXmRoRJZ5m
— Rob Friedman (@PitchingNinja) August 13, 2024
Hunter Greene just barfed on the mound pic.twitter.com/o9dLjmF62x
— Talkin’ Baseball (@TalkinBaseball_) June 25, 2024