Gústaf Benedikt Gústafsson lést 29. september, hann var 31 árs að aldri.
Gústaf var einkasonur móður sinnar, Kristínar Benediktsdóttur, sem er einstæð, en hún hefur sjálf átt við langvarandi veikindi að stríða.
„Hann kvaddi þennan heim eftir margra ára baráttu við fíknisjúkdóminn sem mörg ungmenni á Íslandi í dag berjast við og þeim fylgikvillum sem þessum sjúkdómi fylgir.“
Þetta skrifar Atli Rafn Sívertsen, vinur Gústafs, í færslu á Facebook. Segir Atli Rafn að Gústaf hafi verið búinn að berjast lengi við að halda sig á beinu brautinni „en að lokum sá hann ekki lengur ljósið og ákvað að kveðja þetta líf.“
Kristín móðir Gústafs lagði mikið á sig til að hjálpa honum að berjast við sjúkdóminn og setti oft sín veikindi til hliðar þegar hann þurfti sem mest á hennar stuðning að halda.
Vinir Gústafs hafa opnað styrktarreikning fyrir hönd Kristínar, „svo hún geti kvatt ástkæra son sinn án þess að þurfa að hafa áhyggjur af útgjöldum vegna fráfalls hans.“
Fyrir þá sem vilja veita stuðning sinn þá er reikningsnúmerið 0101-26-011798, kennitala 2606554189.
Munum að margt smátt gerir eitt stórt.