Erfiðlega gengur að fá eignir afhentar í nothæfu ástandi

Upphaflega ætlaði flugfélagið WOW 2 að fara í jómfrúarflugið í byrjun október en erfiðlega gengur að fá eignir úr þrotabúi WOW afhentar í góðu ástandi.

WOW 2 fer í fyrsta flugið um miðjan októ­ber. Þetta kemur fram í frétt ViðskiptaMoggans. Þar segir að ferlið gangi hægar en áætlað var. Upphaflega átti að fara í fyrsta flugið í byrjun október.

Það er at­hafna­kon­an Michele Roosevelt Edw­ards, stjórn­ar­formaður US Aerospace Associa­tes LLC, sem stend­ur að end­ur­reisn WOW.

Michele festi kaup á flug­tengd­um eign­um úr þrota­búi flug­fé­lags­ins en erfiðlega mun hafa gengið að fá þær eignir afhentar í nothæfu ástandi. Sömuleiðis hefur lénið wow.is og wowair.com ekki fengist afhent samkvæmt heimildum ViðskiptaMoggans.

Sjá einnig: WOW air aftur í loftið