Óþekktur maður kúkaði á bíl Sigurðar árið 1984.
„Ég skil ekki hvað er að gerast hér í bænum, að minnsta kosti getur lágkúran vart orðið meiri,” sagði Sigurður Jónsson,starfsmaður Skýrsluvéla ríkisins, við DV um saurinn sem fann á bíl sínum í Hafnarfirði árið 1984 en um var að ræða Mazda 626 bifreið.
„Honum virðist hafa orðið brátt í brók þessum óþokka,” sagði Sigurður við DV. „Ég hringdi á lögregluna og hún kom og staðfesti að um mannasaur væri að ræða á húddinu. Eins og gefur að skilja er ég ekkert sérstaklega hrifinn af því að fara að hreinsa þetta sjálfur þannig að heilbrigðisfulltrúinn hér í Firðinum fær líklega það verkefni.”
Blaðamaður DV spurði Sigurð hvort hann ætti einhverja óvini sem gætu tekið upp á svona gjörningi. Hann sagði ekki svo vera. „En ég þakka mínum sæla fyrir að þessi snillingur skyldi láta þvottinn á snúrunum hjá mér í friði því að hann hefði hæglega getað teygt sig í hann þar sem hann sat á hækjum sínum á húddinu.”