Körfuboltastjarnan, rapparinn og leikarinn Shaquille O’Neal komst í fréttirnar um helgina en þegar öll kurl voru kominn til grafar reyndist um falsfrétt að ræða.
Áhrifavaldurinn Maria Ozuna Teachey setti mynd á samfélagsmiðla af sér og stórum svörtum manni en á myndinni grípurinn maðurinn um brjóst hennar en andlit hans er ekki á myndinni. Undir myndina skrifaði hún svo „Getið hver?“
Orðrómar fór fljótt að berast um internetið þarna væri Shaq sjálfur á ferðinni og greindu jafnvel sumir fjölmiðlar frá því að þetta væri svo sannarlega Shaq. Svo langt fór þetta að NBA leikmaðurinn fyrrverandi ákvað að rita athugasemd hjá einum fjölmiðli þar sem hann sagði einfaldlega „Nei, ekki ég.“
Teachey hefur nú eytt myndinni af samfélagsmiðlum sínum.
Shaq var á sínum tíma einn af bestu körfuboltamönnum NBA deildarinnar og er af mörgum talinn einn sá besti í sögunni en hann varð í fjórgang NBA meistari og kjörinn besti leikmaðurinn einu sinni. Hann spilaði í 19 ár í NBA deildinni og skoraði að meðaltali 23,7 stig og náði í 10,9 fráköst í leik.
