Lögreglan er nýfarin að kalla stoðdeild sína „Heimferða- og fylgdardeild“ en Egill Helgason er ekki hrifinn af því nafni.
Fjölmiðlamaðurinn Egill Helgason segir orðið Heimferðadeild vera „orðskrípi“.
„Heimferðadeild er agalegt orðskrípi – það sem kallast „newspeak“ hjá George Orwell. Ef á Íslandi væri fasistastjórn eða geisaði stríð, ég hefði komist burt en væri sendur aftur til landsins – þá myndi ég eiginlega ekki líta svo á að ég væri á leiðinni heim,“ þannig hefst Facebook-færsla Egils en hann á vini frá Venesúaela sem nýlega neyddust til að snúa aftur til heimalandsins, þvert gegn vilja sínum.
Egill heldur áfram:
„Og vinum mínum frá Venesúela sem var vísað burt frá Íslandi í vor og þurftu að fara alla leið þangað – þeim leið ekki eins og þau væru á leiðinni „heim“. Þau eru nú í landi þar sem glæpamenn eru við völd, þaðan sem flestir vinir þeirra og ættingjar eru farnir, þar sem er illmögulegt að afla sér lífsviðurværis og þar sem er ekki óhætt að fara út eftir myrkur. Það er ekki „heim“.“