- Auglýsing -
Fíkniefni og skotvopn fundust við húsleit á Bakkafirði á mánudaginn.
Lögreglan á Norðurlandi eystra fór síðastliðinn mánudag í lögregluaðgerð á Bakkafirði vegna gruns um framleiðslu fíkniefna og vopnalagabrot. Þetta kemur fram í tilkynningu lögreglunnar á Facebook.
Tveir aðilar voru handteknir í aðgerð lögreglunnar en báðum sleppt að loknum skýrslutökum, síðar sama dag. Við húsleit fannst töluvert magn af meintum fíkniefnum, áhöldum til fíkniefnaframleiðslu auk skotvopn og skotfæri. Sérsveit ríkislögreglustjóra aðstoðaði lögregluna í aðgerðinni en málið er í rannsókn og segist lögreglan ekki tjá sig frekar um það að svo stöddu.
Samkvæmt heimildum Vísis er um að ræða pólskt par en karlmaðurinn er eftirlýstur í heimalandinu fyrir fjársvik.