Borgarstjórnarflokksins í Reykjavík er í uppnámi eftir að flokkurinn reyndist vera þríklofinn í atkvæðagreiðslu um uppfærða Borgarlínu. Hildur Björnsdóttir, leiðtogi sjálfstæðismanna, skrapp erlendis áður en til atkvæðagreiðslunnar kom en varamaður hennar, Sandra Hlíf Ocares, greiddi atkvæði með sáttmálanum.
Eftir heimkomu Hildar brutust út hörkuátök á fundi minnihlutans þar sem brigslyrði fuku á vígsl. Sandra fékk það óþvegið frá félögum sínum. Hildur mun hafa brugðist fjúkandi reið við efasemdum um getu hennar eða hæfni til að leiða flokkinn. Hermt er að hún hafi haft í hótunum um að birta opinberlega upptökur sem sýni að félagar hennar í borgarstjórn hafi grafið undan henni.
Örfáum dögum eftir átakafundinn birtist frétt á Vísi um að Ólöf Skaftadóttir, mágkona Hildar, hefði sagt frá því í hlaðvarpi sínuj að Marta Guðjónsdóttir borgarfulltrúi hefði ítrekað gert í því að stela merktu sæti Hildar á fundum borgarstjórnarinnar.
Engin von er um fullar sættir í hinum sundurleita hópi og undirliggjandi krafa er uppi um að Hildur víki. Hermt er að borgarfulltrúar séu dauðhræddir við næsta útspil Hildar og það hvort leyniupptökur verði birtar …