Ólafur Jóhann Borgþórsson hefur verið ráðinn í stöðu framkvæmdastjóra Herjólfs. Þetta kemur fram í tilkynningu frá stjórn Herjólfs.
„Eftir mat á umsóknum, viðtöl við umsækjendur og umsagnir aðila hefur stjórn Herjólfs ohf. ákveðið samhljóða að ráða Ólaf Jóhann Borgþórsson í starf framkvæmdastjóra félagsins og mun hann hefja störf 1. janúar nk.“ segir í tilkynningunni.
Ólafur er fæddur í Vestmannaeyjum og er 43 ára aldri. Árið 2006 útskrifaðist hann með embættispróf í guðfræði frá Háskóla Íslands og hefur starfað sem prestur frá árinu 2007 á höfuðborgarsvæðinu. en við ráðninguna mun hann flytja til Vestmannaeyja.
Að lokum segir í tilkynningunni, að stjórn Herjólfs bjóði Ólaf Jóhann velkominn til starfa og þakki þeim sem sóttu um starfið.
Í samtali við Eyjafréttir sagði stjórnarformaður Herlólfs ohf, Páll Scheving, að helsti óvinur samgangna værii náttúran og að ekki sé slæmt að fá mann til starfa sem sé í góðum tenglsum við almættið.