Jón Gnarr segir ekki hafa verið mikill sómi að því hvernig yfirvöld á Íslandi luku aðilarviðræðum við Evrópusambandið árið 2015.
Grínistinn, fyrrverandi borgarstjórinn og núverandi Viðreisnarmaðurinn Jón Gnarr skrifaði færslu á Facebook þar sem hann talar um að hann vilji taka upp aðildarviðræður við Evrópusambandið að nýju. Segir hann í sömu færslu að yfirvöld hafi árið 2015 endað viðræðurnar „með einstaklega hallærislegum hætti“.
Hér má lesa færslu Jóns, sem greinilega er kominn í kosningaham:
„Mér finnst ekki mikill sómi að því hvernig við enduðum aðildaviðræðurnar 2015. Það var allt með einstaklega hallærislegum hætti gert, án umræðu í þinginu og svo var þjóðin svikin um kosningaréttinn sem henni hafði verið lofað. Ég vil taka upp þráðinn þar sem frá var horfið og klára þetta litla sem eftir er. Ég vil fá skýran samning á borðið, gefa fólkinu í landinu tíma til að vega og meta kosti og galla inngöngu og halda svo þjóðaratkvæðagreiðsluna sem okkur var lofað. Power to the people !“