Lögreglumaður í Indiana bjargaði lífi drengs.
Litlu mátti muna á sunnudaginn þegar lögreglumaðurinn Evan Myers bjargaði hinum þriggja ára Aziel frá drukknun í sundlaug.
Forsaga málsins er að foreldrar Aziel litu af honum í augnablik en þau höfðu látið hann fá spjaldtölvu meðan hann sat í sófanum í stofunni. Áður en þau vissu af hafði drengurinn ráfað í burtu en að sögn foreldra hans hefur hann gert það áður. Þau hringdu á lögregluna þegar nágrannar þeirra höfðu ekki séð til Aziel.
Myers var einn lögreglumannanna sem leitaði að drengnum og heyrði hann kall eftir aðstoð meðan á leitinni stóð eftir. Lögreglumaðurinn tók á rás og fann drenginn fljótandi á bakinu í sundlaug hjá nágranna Aziel. Faðir hans lét hafa eftir sér að það hafi ekki komið sér á óvart eftir á að hyggja en að sögn foreldra hans er drengurinn mjög hrifinn af vatni.
Foreldrar hans voru mjög þakklátir lögreglumanninum fyrir að bjarga lífi sonar þeirra. Þá hafa þau tekið ákvörðun um að reisa grindverk í kringum hús sitt.
Hægt er að sjá myndband af atvikinu hér.