Tollverðir í Leifsstöð hirtu vopn af börnum árið 2004.
„Þetta er búið að vera hálfgert æði hjá strákum og sérstaklega þeim sem koma frá Spáni,“ sagði Björg Valtýsdóttir, deildarstjóri hjá Tollgæslunni á Keflavíkurflugvelli við DV árið 2004 en þá reyndu drengir í 4. flokki knattspyrnudeildar Fjölnis að flytja inn tíu loftbyssur í landið en það er stranglega bannað. „Strákar eru og verða alltaf strákar en það er eins og þegar einn ákveður að kaupa svona hlut þá fylgja hinir á eftir.“
Drengirnir sem voru teknir með byssurnar voru að sögn DV 14 ára gamlir
Byssurnar voru gerðar upptækar og þeim sennilega eytt en drengirnir voru að sögn DV vonsviknir að upp komst um þá. „Auðvitað voru þetta mikil vonbrigði og settu strik í annars velheppnaða ferð,“ sagði Bryngeir Torfason, þjálfari þeirra. „Allur farangur drengjanna var gegnumlýstur og þá kom þetta í ljós. Hins vegar skil ég ekki hvernig þetta slapp í gegnum vopnaleitina á flugvellinum í Glasgow.“
Í samtali við DV fór Kristján Jóhannesson, aðalfararstjóri ferðarinnar, fram á það við tollverði að leitaði yrði í farangri drengjanna. „Ég bar ábyrgð á hópnum og vildi að allt væri á hreinu áður en ég sleppti höndum af hópnum,“ sagði Kristján. Í frétt DV er tekið fram að ekki hafi verið um hefðbundna loftrifla að ræða en svipaða útgáfu í skammbyssu formi en þær falli undir sömu lög.