No Borders Iceland boða mótmæli á Keflavíkurflugvelli í kvöld en til stendur að vísa hópi fólks frá Venesúela úr landi.
Í viðburðarlýsingu mótmælanna sem birtist á Facebook um klukkan 21:30 í kvöld segir að lögreglan hafi handtekið hóp fólks á flótta sem til standi að brottvísa til Venesúaela í kvöld.
Í lýsingunni stendur ennfremur: „Ef brottvísun nær fram að ganga verður fólki þvingað í stórhættulegar aðstæður. Fólk á flótta sem hefur verið brottvísað frá Íslandi til Venesúela sætir þar pólitískum ofsóknum og harðstjórn. Tjáningarfrelsið er fótum troðið og mörg fordæmi eru fyrir því að flóttamenn séu dæmdir í fangelsi fyrir föðurlandssvik við komu sína til landsins.
Fjölmennum á Keflavíkurflugvelli og sýnum samstöðu!
Engin manneskja er ólögleg! Ekki fleiri brottvísanir!“